Ar droad y flwyddyn, cynhaliwyd Gwobrau Lantra yn Llandrindod sy'n dathlu cyflawniad unigolion ar draws y diwydiant ffermio a garddwriaeth dros y 12 mis diwethaf. Eleni daeth Geraint Evans o Dresimwn, Tyfwr o’r Fro, yn ail yng Ngwobr Garddwriaeth Cyswllt Ffermio.
Ar ôl gweithio ym maes technoleg a busnes yn flaenorol, fe gymerodd y cloi pandemig i Geraint a’i wraig Emma sylweddoli bod gan eu hobi tyfu llysiau y potensial i dyfu’n fusnes llawn amser. Pan ddaeth cae naw erw ar gael yn lleol, gadawodd y ddau eu gyrfaoedd i ddechrau tyfu ffrwythau a llysiau organig, cynaliadwy yn fasnachol.
Gan weithio'n galed ac yn angerddol am gynnyrch sy'n cyfrannu at iechyd da tra'n cael effaith fach iawn ar yr amgylchedd, roedd y beirniaid wedi'u plesio, er gwaethaf dechrau gyda gwybodaeth gyfyngedig o'r sector, bod moeseg waith drawiadol y cwpl a'u hawydd am ddysgu wedi eu galluogi i greu busnes llwyddiannus, cynaliadwy.
“Mae Tresimwn yn fusnes newydd clodwiw ac ysbrydoledig, sy’n canolbwyntio ar safonau garddwriaethol uchel ac yn ail deilwng ar gyfer y wobr hon.
“Trwy ymgysylltu’n frwd ag ysgolion a bwrdd iechyd lleol, mae Geraint yn helpu’r genhedlaeth nesaf i ddeall o ble mae eu bwyd yn dod tra’n hyrwyddo dulliau cynhyrchu iach a phwysigrwydd gwarchod yr amgylchedd.”
